Virtual KVM (Qurilmalarni tarmoq orqali ulashamiz)

Agarda siz crossplatform dasturchi bo'lsangiz bir vaqtning o'zida bir necha kompyuter bilan ishlashingiz tabiiy holat. Har bir kompyuterni alohida qurilmalar bilan boshqarish esa ba'zan shunchaki odamni ezadi...

Ish stoli uchun ham bu jarayon noqulaylik tug'ridagi. Birdaniga 2 klaviatura va sichqoncha bilan ishlash kimga ham yoqadi deysiz :)

Ushbu muammoni hal qilish uchun aslini olsa turli qurilmalar allaqachon ishlab chiqilgan. Ularni odatda "KVM switch" deb nomalashadi. Lekin bu matahni O'zbekistonda topish xuddi ta'lim tizimimizga o'xshaydi (Muammoning o'zginasi). Topgan taqdirda ham arzon turmaydi.

Shunday ekan eng yaxshi yechim biz uchun tarmoq orqali bo'lishish hisoblanadi. Hozirda qurilmalar orasida tarmoq hosil qilish muammo emas. Deyarli barchamizning uyimiz yoki ish stansiyamizda simli va simsiz mashuritizatorlar bor (LAN, WLAN).

Opensource dasturlar orasida esa bu uchun yetarlicha yechimlar ham qilingan. Masalan ulardan biri biz hozir aynan foydalanib ko'radigan "Barrier" dasturi hisoblanadi.

Ushbu dastur foydalanuvchilar qulaylik sifatida sichqoncha va klaviaturani local tarmoq orqali ulashish imkonini beradi. Shuningdek crossplatform, ya'ni bir vaqtning o'zida Linux, Windows va MacOS kabi operatsion tizimlarda muammosiz ishlay olasiz.

Demak ishni dasturni o'rnatishdan boshlasak:

Windows va MacOS uchun dasturni o'rnatish unchalik ham muammo emas. Hal holda ularda tayyor arxivlangan fayl beriladi. Linux uchun esa turli-xildagi distributivlarga qarab repositoriyalar belgilangan (Source code'dan o'rnatish ancha samarali).

MacOS: https://github.com/debauchee/barrier/releases/download/v2.4.0/Barrier-2.4.0-release.dmg

Windows: https://github.com/debauchee/barrier/releases/download/v2.4.0/BarrierSetup-2.4.0-release.exe

Linux debian/ubuntu(22.04):

sudo apt install barrier

Linux arch:

sudo pacman -S barrier

Linux fedora

sudo dnf install barrier

Linux source code orqali o'rnatish:

sudo apt update && sudo apt upgrade
sudo apt install git cmake make xorg-dev g++ libcurl4-openssl-dev libavahi-compat-libdnssd-dev libssl-dev libx11-dev libqt4-dev qtbase5-dev
cd /tmp
git clone https://github.com/debauchee/barrier.git
cd barrier
git submodule update --init --recursive
./clean_build.sh
cd build
sudo make install

Dasturni sozlash:

Dasturni sozlash sizga unchalik ham muammo tug'dirmaydi. Buning uchun dasturning ish rejimi tanlanadi, so'ngra kerakli qurilmalar ulab chiqiladi.

Dastur ish vazifasiga ko'ra ikki turdagi rejimni o'z ichiga olgan.

• Server - Asosiy sizdagi klaviatura va sichqonchani ulashuvchi qurilma
• Client - Siz qo'shimcha boshqarishni xohlaydigan qurilma

Agarda dastur server sifatida belgilansa qurilma o'zida 24800 porti asosida virtual server yaratadi. So'ng boshqa qurilmalar ushbu port va server ip manzili orqali ulanishlari mumkin bo'ladi.

Shuningdek eslatib o'tish kerakki local tarmoqda foydalanish vaqtida SSL'ni o'chirib qo'ygan maqul (ikki tomondagi qurilmada ham). Qolaversa har bir qurilma uchun takrorlamas alohida "screen name" berish ham maqsadga muvofiq hisoblanadi. Ushbu nom orqali keyinchalik tarmoq hosil bo'ladi.

Dasturning asosiy oynasi

SSL'ni o'chirish va screen name'ni sozlash (mijoz kompyuterida screen name boshqa nomda bo'lishi lozim):

Sozlamalar oynasi. F4 tugmasi orqali ochiladi!

Client'larni sozlash:

Bu uchun server kompyuterdagi dasturning asosiy oynasidan "Configure server" oynasi ochiladi, so'ngra mozayka shaklida o'zingizga moslab kompyuterlarni qo'shasiz. Yangi client qo'shish uchun yuqori burchakdagi kompyuter ikonasi sichqoncha orqali mozaykaga tortib yuboriladi.

Server configuration oynasi

Mozaykaga kerakli kompyuter oynasi qo'yilgach ikona ustiga sichqoncha bilan ikki marotaba bosiladi so'ngra client kompyuterdagi screen name kiritiladi.

Screen settings oynasi

Client qismini sozlash:

Client qismn sozlash anchagina oson. Bu uchun shunchaki server kompyuterinig ip manzili kiritiladi xolos.

Client dasturi oynasi

Dasturni ishga tushirish:

Ikki qismdagi dasturlar ham to'liq sozlangach avval server dasturida so'ng client dasturida "start" tugmasini bosish kifoya. Shundan so'ng dastur ishga tushadi va qurilmalar bir biri bilan ulanadi.